काठमाडौँ । काठमाडौँमा जेनजी पुस्ताको प्रदर्शन सुरु भएसँगै प्रधानमन्त्रीको सरकारी निवास वरपरको सुरक्षा व्यवस्था कडा पारिएको छ ।

बिहान ९ बजेदेखि प्रधानमन्त्री र प्रधानन्यायाधीश तथा सभामुखको निवास वरपर ठूलो मात्रामा प्रहरी परिचालन गरिएको छ । आज पहिलोपटक संगठित रुपमा जेनजी पुस्ताले सरकारले अराजकता र भ्रष्टाचारको विरोधमा काठमाडौँ सहित देशैभर प्रदर्शन हुँदैछ ।

नेता र उच्च पदस्थ कर्मचारीले गरेको भ्रष्टाचार र सोही भ्रष्टाचारको रकमले उनका छोराछोरीले गरेको मोजमस्ती विरुद्ध सामाजिक सञ्जालमा सक्रिय जेनजी पुस्ता अहिले सडकमा उत्रिएका छन् ।

उनीहरुले इन्डोनेसिया, बंगलादेश र श्रीलंकाको सत्ता पलटलाई उदाहरण दिदै आन्दोलन नेपालमा थालेको घोषणा गरेका कारण सत्ता सञ्चालक, उच्च पदस्थ कर्मचारी लगायतमा मनोवैज्ञानिक त्रास बढेको छ ।