बुटवल । कपिलवस्तु कारागारका कैदीबन्दी कारागार तोडेर भागेका छन् । जेनजी आन्दोलनको मौका पारेर कारागार तोडफोड गरी चार सय बढी कैदीबन्दी भागेको प्रमुख जिल्ला अधिकारी दिलकुमार तामाङले जनाएका छन् ।

कारागारमा ४७० जना कैदी थिए । तीमध्ये ३५ जना भने कारागारमै रहेको प्रमुख जिल्ला अधिकारीले तामाले जानकारी दिएका छन् । दुई ब्लकबाट भागेकामध्ये २० जनालाई पक्राउ गरिएको उनले बताए ।

कारागारबाट फरार कैदीबन्दीले नजिकै रहेको कपिलवस्तु अदालतमा समेत तोडफोड र आगजनी गरेका छन् । आगजनीबाट कारागारका कागजातहरू जल्नुका साथै भवनको संरचना तथा उपकरणहरूमा समेत क्षति पुगेको छ । फरार कैदीबन्दीको खोजी र नियन्त्रणका लागि सुरक्षाकर्मी परिचालन गरिएको कपिलवस्तुका प्रमुख जिल्ला अधिकारीले जानकारी दिए ।

सेनाले थाल्यो सुरक्षा र गस्ती

जिल्ला सुरक्षा समिति कपिलवस्तुले २०८२ भाद्र २४ गते राति १० बजेबाट नेपाली सेनासहितको सुरक्षा गस्ती परिचालन गरेको जनाउँदै कुनै पनि अवाञ्छित गतिविधि गरेमा सुरक्षात्मक कारबाही हुने सूचना जारी गरेको प्रजिअ तामाङले बताएका छन् ।