काठमाडौं । देशभरका कारागारबाट कैदीबन्दी भाग्ने लहर बढेसँगै काठमाडौंस्थित डिल्लीबजारका कैदीबन्दीहरु पनि भाग्ने प्रयास गरेका छन्। उनीहरूले कारागारभित्र तोडफोड र आगजनी गरेपछि नेपाली सेनाले हस्तक्षेप गरी सुरक्षा थालेको छ ।

कारागारभित्र कैदीबन्दीहरुले आफूहरू पनि भाग्न पाउनु पर्ने भन्दै नाराबाजी गरिरहेका छन् । बाहिर सेनाको कडा तैनाथी छ । कारागारभित्र आगो लागिरहेको छ । कारागारमा आगजनी भएकाले कैदीबन्दीहरुलाई स्थानान्तरण गर्ने तयारी गरिएको कारागारका प्रशासक बाबुराम अर्यालले बताए ।