काठमाडौं । आगजनी र तोडफोड गरी डिल्लीबजार कारागारबाट भागेका सबै कैदीबन्दीहरुलाई नेपाली सेनाले नियन्त्रणमा लिएको छ ।उनीहरु सबैलाई सुन्धारा कारागारमा सार्ने तयारी भइरहेको छ ।

झोला बोकेर हुलका हुल भागेका कैदीलाई डिल्लीबजारमै ल्याएपछि सेनाले प्रहरीको गाडीबाट सुन्धारा लैजान लागेको हो । करिब ६०–७० जना कैदी भने सडकमै प्रहरीविरुद्ध नाराबाजी गरिरहेका छन् । उनीहरुले सेनाको आदेश मान्ने भन्दै प्रहरीविरुद्ध नाराबाजी गरी कारागार छिर्न मानेका छैनन् । डिल्लीबजार कारागारमा करिब सात जना कैदीबन्दी थिए । उनीहरुमध्ये आधाजसो भागेका थिए ।