विराटनगर । मोरङ जिल्ला कारागारमा कैदीबन्दी भाग्न खोजेपछि प्रहरीले गोली चलाएको छ । कारगारका कैदीबन्दी छुटाउन एउटा समूह कारागारमा पुगेपछि प्रहरीले हवाई फायर गरेको हो ।

कैदीबन्दी छुटाउनु पर्ने मागसहित एउटा समूह पुगेपछि कारागारबाट कैदीबन्दीहरूले पनि भाग्ने प्रयास गरेका थिए । भीडलाई तितरबितर बनाउन प्रहरीले १५ राउन्ड हवाई फायर गरेको प्रहरीले जनाएको छ । हवाई फायरपछि कैदीबन्दी छुटाउन पुगेको भीड तितरबितर भएको छ ।

कारागारमा नेपाली सेनाको टोली पनि पुगेको छ । सेनाको टोली पुगेपछि अवस्था सामान्य छ । अहिले त्यहाँ सेनाले सुरक्षा दिएको छ । रवि लामिछाने छुटे जस्तै त्यहाँका कैदीबन्दी पनि छुट्नुपर्ने छुटाउन पुगेको समूहको माग छ ।