काठमाडौं । एकैदिन नेपाल स्टक एक्सचेन्ज(नेप्से) १११ अङ्कले बढेको छ । आइतबार नेप्से परिसूचक १११ दशमलव ७० अङ्कले बढेर २६२३ दशमलव ६२ को बिन्दुमा बन्द भएको छ । आजको बजारमा २ करोड ३२ हजार २२३ कित्ता सेयरको खरिदबिक्री हुँदा ९ अर्ब १७ करोड ९५ लाख ७३ हजार रुपैयाँको कारोबार भएको छ ।

यसअघि साताको अन्तिम कारोबारका दिन बिहीबार सेयर बजार ६ प्रतिशतले घटेर बन्द भएको थियो । बिहिबार नेप्से परिसूचक १६० दशमलव ३३ अंकले घटेको थियो ।

आज एकैदिन ९ कम्पनीको सेयर मूल्य मूल्यमा सकारात्मक सर्किट लागेको छ । जहाँ सन्धु विकास बैङ्क, भूगोल इन्र्जी डेभलपमेन्ट कम्पनी, गुडव्लि फाइनान्स, सिभम सिमेन्टस, जोशी हाइड्रोपावर डेभलपमेन्ट, अपी पावर कम्पनी, अखुँ खोला जलविद्युत कम्पनी र बलेफी हाइड्रोपावर लिमिटेडको सेयरमूल्य १० प्रतिशतले बढेको छ ।

आइतबार बजार पुँजीकरण ४३ खर्ब ८५ अर्ब रुपैयाँ बढी रहेको छ । कुल कारोबारमा २२२ कम्पनीको सेयरमूलय बढेको छ भने २८ वटाको घटेको छ ।