चितवन । नारायणगढ–मुग्लिन सडक खण्ड अन्तर्गत चितवनको इच्छाकामना गाउँपालिका–६ स्थित तुइनखोलामा आएको पहिरो हटाउने काम सकिएको छ । सडक डिभिजन भरतपुरले दुवैतर्फबाट मेशिनहरू निरन्तर काम लगाएर पहिरो हटाइसकिएको र ४५ घण्टापछि सडक एकतर्फी आवागमन सुचारु गरिएको जानकारी दिएको हो ।
शुक्रबार साँझदेखि ठूलो पहिरो गएपछि त्यो क्षेत्र हुँदै सञ्चालन हुने यातायात सेवा प्रभावित भएको थियो ।

शनिबार दिनभर पहिरो हटाउने प्रयास भएको भए पनि पहिरो आउन क्रम नरोकिएका कारण आइतबार बिहान ३ बजेसम्मलाई स्थगन गरिएको थियो । सडक डिभिजन कार्यालय, चितवनले नारायणगढतर्फ ३ वटा स्टाभेटर लोडर र मुग्लिङ तर्फ पनि ३ वटै स्काभेटर लोडर प्रयोग गरेर पहिरो पन्छ्याएको हो । माथिबाट पहिरो नखसेका कारण सडक सुचारु गर्न सकिएको सडक डिभिजन कार्यालय, चितवनका कार्यालय प्रमुख नारायणप्रसाद लामिछानेले बताए ।