काठमाडौं । यसपालि दसैँमा खसीबोकाको मूल्य स्थिर रहने भएको छ । खसीकोका ब्यवसायी महासंघका अनुसार बजारमा प्रतिकेजी जिउँदो खसीको मूल्य हाल ६ सयदेखि ६८० रुपैयाँ रहेको छ । यस्तै तयारी खसीको मासु भने प्रतिकेजी एक हजार तीन सयदेखि एक हजार चार सयसम्म छ ।

यसपालिको दसैँमा काठमाडौं उपत्यकामा ३५ हजारदेखि ४० हजार खसीबोका खपत हुने अनुमान गरिएको छ । गत वर्ष ५० हजारदेखि ५५ हजार खसीबोका खपत भएका थिए ।

देशमा भएको विषम परिस्थिति र धेरै जना दसैँ मनाउन गाउँमा गएकाले बजारमा माग कम हुँदा खपत घट्ने अनुमान गरिएको छ । जेनजी पुस्ताले गरेको आन्दोलनमा निधन भएका परिवारमा शोक परेको घरमा मासु उपभोग नहुने र बाढीपहिरोका कारण बाटो बन्द हुँदा बजारमा खसीबोका भित्र्याउन कठिन देखिएकाले पनि खपत कम हुने देखिएको हो ।

व्यवसायीले दसैँलाई लक्षित गरी मङ्गलबारदेखि उपत्यकामा खसीबोका भित्र्याउन लागेका छन् । आजदेखि उपत्यकामा खसीबोका भित्रिने व्यवसायीले जनाएको छन् ।