काठमाडौं । शिक्षामन्त्री महावीर पुनले शिक्षकको तलव रोक्कासम्बन्धी सूचना सच्याएका छन् । विद्यालय प्रधानाध्यापकले शिक्षकहरुको तलब रोकेको भन्दै गरिएको कारबाहीको सूचना मन्त्री पुनले सच्याएका हुन् । उनले यसअघि भोलिसम्म शिक्षकहरुलाई तलब निकासा नगरे प्रधानाध्यापकहरूलाई नियमअनुसार कारबाही गर्ने चेतावनी दिएका थिए ।

तर, शिक्षकलाई तलब प्रअले नभइ पालिकाले दिने जानकारी समेत मन्त्रीलाई नभएको भन्दै आलोचना भएपछि उनले यसअघि सामाजिक सञ्जालमा राखेको आफनो स्टाटस सच्याएका हुन् । शिक्षकलाई तलब कसले दिन्छ भन्ने जानकारी समेत मन्त्रीलाई नभएको भन्दै आलोचना भएपछि उनले दोस्रो सूचना जारी गरेका हुन् ।

दोस्रो सूचनामा उनले भोलिसम्म शिक्षकहरूको तलब निकास नगरेमा सम्बन्धित पालिकालाई कारबाही गरिने उनले चेतावनी दिएका छन् । मन्त्रालयबाट पालिकामा तलब निकासा गरिसकेको बताउँदै तलब रोक्ने पालिकाहरुलाई कारबाही गर्ने चेतावनी दिएका हुन् ।

दशैं–तिहारको अवसरमा पालिकाले तलब निकासा गरि दिएन भनेर केहि प्रअ र शिक्षकहरुको गुनासो आएको बताउँदै मन्त्री पुनले फेसबुकमाफर्त चेतावनी दिएका हुन् । उनका अनुसार शिक्षा मन्त्रालयबाट दशैंअघि नै शिक्षकहरूको तलब सम्बन्धित विद्यालयहरूमा पठाइएको छ । तर पनि केही पालिकाले शिक्षकहरूको तलब जानाजान रोकेको भन्दै उनले आपत्ति जनाएका छन् ।