काठमाडौं । काठमाडौं काष्ठमण्डप नजिकै घरमा भीषण आगलागी भएको छ । आज बिहानीपख आगलागी सुरु भएको हो । कपडा गोदामबाट सुरु भएको आगो अहिले छेउको घर र मन्दिरमा पनि सल्किएको छ । बिहान साढे ३ बजेतिरबाट आगलागी सुरु भएको स्थानीयहरूको भनाई छ ।

आगो निभाउने प्रयास भइरहे पनि आगो नियन्त्रणमा आउन सकेको छैन । आगो नियन्त्रणका लागि काठमाडौं महानगर र ललितपुर महानगरका दमकल प्रयोग गरिरएको छ । नेपाली सेना, सशस्त्र प्रहरी, नेपाल प्रहरी, काठमाडौं महानगर प्रहरी लगायतले आगो निभाइरहेका छन् ।