काठमाडौं । अमेरिकाबाट दशैं–तिहार ममनाउन आएका छोरा बुहारीमाथि बाबुले खुकुरी प्रहार गरेका छन् । काठमाडौंको कागेश्वरी मनहरा नगरपालिका–५, थलीस्थित भीमबारी टोलमा बुधबार विहान यस्तो बाबुले छोरा–बुहारीमाथि खुकुरी प्रहार गरेका हुन् । ५३ वर्षीय विष्णु उप्रेतीले घरायसी विवादका क्रममा छोरा–बुहारीमाथि खुकुरी प्रहार गरेको जिल्ला प्रहरी प्रवक्ता एसपी पवन भट्टराईले जनाएका छन् ।

खुकुरी प्रहारबाट ३२ वर्षीय छोरा रुविस उप्रेती र बुहारी मनिता भण्डारी घाइते छन् । रुविसको बायाँ हातका चार औंला काटिनुका साथै दाहिने खुट्टाको घुँडामा चोट लागेको प्रहरीले जनाएको छ । बुहारी मनिताको दाहिने हातको कुममा चोट लागेको छ । आक्रमण गर्ने बुबा उप्रेती प्रहरी वृत्त, बौद्धअन्तर्गत गोकर्ण प्रभागको हिरासतमा छन् ।