काठमाडौं । नेकपा (माओवादी केन्द्र) को नाम, चुनाव चिन्ह र झण्डा यथावत राख्न पूर्वमन्त्री जनार्दन शर्मा नेतृत्वको प्रगतिशील राष्ट्रिय अभियानले आज निर्वाचन आयोगमा निवेदन दिएको छ । अभियानमा संलग्न नेता सन्दीप पुन, रजमान तामाङ लगायतका नेताहरू कान्तिपथ पुगेर पार्टीलाई ‘फ्रिज’ नगर्न मागसहितको निवेदन बुझाएका हुन् ।

पत्रमा उल्लेख छ कि दर्ता नम्बर ६५३ अन्तर्गतको पार्टीको नाम, झण्डा र चुनाव चिन्ह ऐतिहासिक जनयुद्ध र हजारौँ सहिद, घाइते तथा बेपत्ताहरूको योगदानसँग जोडिएको छ । आयोगले पार्टीको पहिचान फ्रिज गरेमा निर्वाचनको वैधानिकता नै प्रश्नविहीन हुने सम्भावना छ ।यसैबीच, नेकपा माओवादी केन्द्रले दश पार्टीसँग एकता गरेर नेपाली कम्युनिस्ट पार्टी नामकरण गरे पनि, जनार्दन शर्माले पार्टी एकता प्रक्रियामा सहभागी नहुँदै नयाँ पार्टी गठनको तयारी गरेका छन्। शर्मा ४० वर्षसम्म पुष्पकमल दाहाल ‘प्रचण्ड’ को नेतृत्वमा रहेर पार्टीमा काम गर्दै आएका थिए।

शर्माको अभियान सुरुमा तत्कालीन सचिव राम कार्की र स्थायी समिति सदस्य अञ्जना विशंखेले समर्थन गरेका थिए । यद्यपि सुरुमा धेरैले साथ नदिए पनि, बिस्तारै पूर्व माओवादी नेताहरू उनको अभियानमा जोडिन थालेका छन् । उता, नेकपा कम्युनिष्ट पार्टीका महासचिव नेत्रविक्रम चन्द ‘विप्लव’ सहितका नेताहरू पनि निर्वाचन आयोग पुगेका छन् । गत कात्तिक ११ गते दल दर्ताको लागि निवेदन दिएका उनीहरू आज सनाखतका लागि उपस्थित भएका हुन् ।
शर्मासँग हालसमम जोडिएका नेताहरू
जनार्दन शर्मा
राम कार्की
सुदन किराँती
अञ्जना विशंखे
जगप्रसाद शर्मा
नारायणी शर्मा
पुष्प न्यौपाने
सन्तोष विष्ट
पदमराज जोशी
ओमप्रकाश पुन
राजकुमार शर्मा
शिवकुमार मण्डल
अशोक जयसवाल
उमेश यादव
भगत बडुवाल
टेकेन्द्र भट्ट
दीपक साउद
विमला सिंह
भीमप्रकाश शर्मा
भीमबहादुर मल्ल
रामप्रसाद न्यौपाने
प्रतिभा केसी
मनऋि धिताल

यस्तो स्थितिमा, पूर्वमाओवादी नेताहरूको समर्थनमा नयाँ प्रगतिशील अभियानले आगामी निर्वाचनमा आफ्नो पहिचान कायम राख्न निर्वाचन आयोगसामु कडा चुनौती प्रस्तुत गरेको छ ।