काठमाडौं । तत्कालीन नेकपा (माओवादी केन्द्र) का उपमहासचिव जनार्दन शर्माको समूहले दल दर्ताका लागि निर्वाचन आयोगमा निवेदन दिएको छ । सविन सिग्देल अध्यक्ष रहने गरी यसअघि नेपाल जनसेवा पार्टी दल दर्ताका लागि निवेदन पेश भएकोमा शुक्रबार नाम परिवर्तन गरेर प्रगतिशिल लोकतान्त्रिक पार्टी बनाइएको हो ।

निर्वाचन चिन्ह तीन पात प्रस्ताव गर्दै यही कात्तिक २१ गते आयोगमा निवेदन पेश भएको थियो । तर, शुक्रबार दलको नाम संशोधन गर्दै केन्द्रीय समितिमा रहेकाले सनाखत गर्ने काम गरिरहेका छन् । जनार्दन पक्षका एक उच्च नेताले निर्वाचन चिन्ह पनि हेरेफेर भएको हुनसक्ने जनाएका छन् । तत्कालीन नेकपा (माओवादी केन्द्र) नेपाली कम्युनिष्ट पार्टी (नेकपा) मा समाहित भएसँगै तत्कालीन उपमहासचिव जनार्दन शर्माको संरक्षणमा निर्वाचन आयोगमा दल दर्ताका लागि निवेदन पेश भएको हो । अध्यक्ष प्रस्ताव गरिएका सिग्देल तत्कालीन नेकपा (माओवादी केन्द्र) निकट विद्यार्थी संगठनको विशेष प्रदेश समितिको सचिव थिए । दर्ताका लागि पेश भएको निवेदनमा केन्द्रीय समिति २५ सदस्यीय रहने गरी प्रस्ताव गरिएको छ ।

जसमा अधिकांश तत्कालीन माओवादी केन्द्र निकट अखिल (क्रान्तिकारी) का केन्द्रीय समिति, प्रदेश समिति, जिल्ला समितिसँगै क्याम्पस समितिमा रहेकाहरु छन् । जनार्दनसहितका मुख्य नेताहरु भने अहिले केन्द्रीय समितिमा छैनन् । रास्वपा छाडेर जनार्दनको क्याम्पमा पुगेका सन्तोष परियारको पनि नाम छैन । अहिले पार्टी दर्ता गरिराख्ने र निर्वाचन नजिकिएसँगै केन्द्रीय समितिको विवरण अद्यावधिक गर्ने रणनीति हुन सक्ने स्रोत बताउँछ ।

अध्यक्षसहित पदाधिकारी र केन्द्रीय सदस्य

१–अध्यक्ष सविन सिग्देल

२–उपाध्यक्ष यमुना पुडासैनी

३–उपाध्यक्ष युगल ढकाल

४–महासचिव सुरेशप्रसाद केसी

५–सचिव नविनकुमार साह

६–सचिव चन्द्रकला बास्तोला

७–सचिव सुशिला महतो

८–सचिव सुभेक्षा श्रेष्ठ

९–कोषाध्यक्ष राधिका नेपाली सदस्य

१०–सिशिर आदित्य गौतम

११–रोमन पराजुली

१२–रामचन्द्र कार्की

१३–किरण चन्द

१४–सन्ध्या नेपाल

१५.समृद्धि बिष्ट

१६–युनिक शर्मा

१७–प्रविणकुमार यादव

१८–सौरव दवाडी

१९–सौम्य श्रेष्ठ

२०–बिशाल गेलाल

२१–अभय शर्मा

२२–बर्षा पराजुली

२३–कल्पना लामा

२४–दुर्गादेवी न्यौपाने

२५–सीता राई