काठमाडौं । गायिका ज्योति मगरले गगन थापा र योगेश भट्टराईप्रति चोटिलो व्यङ्ग्य गरेकी छिन् । ज्योतिले नेपाली कांग्रेसका गगन र नेकपा एमालेका योगेशले मिलेर अर्को पार्टी खोल्दा कसो होला भन्दै व्यङ्ग्य गरेकी हुन् । उनले अध्यक्ष गगन थापा, महासचिव योगेश भट्टराई बाँकी पदाधिकारी थप्दै जाउँ भन्दै व्यङ्ग्य गरेकी छन् ।

‘यी पढे लेखेका मूर्खहरू देशको चिन्ताभन्दा नि पार्टीको अध्यक्षतामा देउवा र ओली भाकोमा बर्ता चिन्ता गर्छन्,’ उनी सामाजिक सञ्जालमा लेख्छिन्, ‘एउटा कार्यक्रममा त गगन थापा, योगेश भट्टराई र रामकुमारी झाँक्री हामी तीन जना नै एम.सि.सि.वादी हो भनेर हाँस्दै थिए… यी न कांग्रेसवादी, न एमालेवादी, न जनवादी, न राजावादी यिनीहरू मलाई औसरवादी लाग्छन्… छुचो मुख छ फेरि गाली खाइने हो…।’

पछिल्लो समय गायिका मगरले देशका शीर्ष नेता र राजनीति घटनाक्रमहरुलाई लिएर चोटिलो विश्लेषण गर्दै आएकी छन् । उनको राजनीतिक तर्क र विश्लेषणलाई कसैले तारिफ गरिरहेका छन् भने कसैले चर्को आलोचना समेत गरिरहेका छन् । तर उनी यसको वास्ता नगरी बाक्लैजसो राजनीतिक नेता र वर्तमान राजनीतिक परिवेशका विषयमा आफ्नो धारणा राख्दै आइरहेकी छन् ।