काठमाडौं । काठमाडौं गोर्खाजका बलरले लगातार विकेट लिएपछि जनकपुर बोल्ट्स लगातार दबाबमा परेको छ । पहिलो ब्याटिङ गरेको जनकपुरले १० ओभरको खेल सकिँदा चार विकेट गुमाएर ५६ रन बनाएको छ ।

जनकपुरका प्रारम्भिक ब्याटर आसिफ शेख ३८ रन बनाएर क्रिजमा छन् । उनलाई मयन यादवले साथ दिइरहेका छन् । जनकपुरका लागि मिलन्था लाहिरुले सात र जान निकोल लफ्टी–इटोनले दुई रन बनाए । कप्तान अनिल साह शून्यमा आउट भए । काठमाडौंका लागि मिलिन्द कुमारले तीन र सन्तोष यादवले एक विकेट लिए ।