काठमाडौं ।  सुदूरपश्चिम रोयल्स र कर्णाली याक्सबीचको खेलमा सधैं झै सोमबार पनि कीर्तिपुरस्थित त्रिवि क्रिकेट मैदानमा भरिभराउ रह्यो।

सिद्धार्थ बैंक नेपाल प्रिमियर लिग (एनपीएल)मा सोमबार भएका दुवै खेल औसत स्कोरका भए। पहिलो खेलमा विराटनगर किंग्सले दिएको १३६ रनको लक्ष्य पछ्याउने क्रममा जनकपुर बोल्टस् १२६ रनमै समेटियो।

त्यस्तै, दोस्रो खेलमा पनि सुदूरपश्चिमले दिएको १४० रनको लक्ष्य पछ्याउने क्रममा कर्णाली ९४ रनमै समेटियो।

दुवै कम स्कोरका खेलमा दर्शकको उत्साह भने अन्तिमसम्म कायमै रह्यो। दिउँसोको खेलमा प्यारापिटका सिट खाली देखिए पनि साँझको खेलमा भने खचाखच भरिएका थिए।