काठमाडौं । ‘राष्ट्र, राष्ट्रियता, धर्म संस्कृति नागरिक बचाउ अभियान’ का संयोजक दुर्गा प्रसाईंले आज (शनिबार) पत्रकार सम्मेलन गर्दैछन् ।
यसअघि हिजो प्रसाईंले गृहमन्त्री ओमप्रकाश अर्यालसँग भेटवार्ता गरेका थिए । सिंहदरवारमा भएको उक्त भेटवार्ता यही मंसिर २२ गते फेरि छलफलमा बस्ने गरी टुङ्गिएको संयोजक प्रसाईंले जानकारी दिएका छन् ।

उनले भने, ‘मुख्य गरी हाम्रो मागका विषयमा छलफल भयो, अब मंसिर २२ गते फेरि छलफल गर्ने सहमति भएको छ ।’ संयोजक प्रसाईंले गृहमन्त्री अर्यालसँगको वार्तामा भएका विषय र अन्य समसामयिक विषयमा आज पत्रकार सम्मेलनमार्फत जानकारी दिने बताएका थिए ।