पोखरा । ‘हामी नेपाल’ का संस्थापक सुधन गुरुङले गृहमन्त्री ओमप्रकाश अर्याल बच्चाको रगत लागेको पदमा बसेर शानसँग गफ हानिरहेको आरोप लगाएका छन् । पोखरामा सोमबार तमु ह्रयुल छोंज धीँ गुरुङ राष्ट्रिय परिषद् जिल्ला समिति कास्कीले आयोजना गरेको सम्मान कार्यक्रममा गुरुङले गृहमन्त्री अर्याल सल्लाहकार बनेर पसेर मन्त्री पदको लाभ लिएको आरोल समेत लगाए ।

‘ओमप्रकाश अर्याल भन्ने एउटा व्यक्ति जो कानुनी सल्लाहकार भए हामीलाई गुमराहमा पार्नुभयो । आज गृह मन्त्रालयको बच्चाको रगत लागेको कुर्सीमा बसेर शानसँग गफ हानिराख्नु भएको छ,’ उनले भने । कार्यक्रममा गुरुङले आफ्नो शीर जेन–जीको शीर भएकाले कहिल्यै झुक्न नदिने बताए । सुधन बस्नेत या सुधन ओली भएको भए आफ्नो नागरिकताका विषयमा कुरा नउठ्ने तर, गुरुङ भएर कुरा उठेको उनको जिकिर छ ।