काठमाडौं । भारत–नेपाल सीमा नजिकैबाट दिल्लीतर्फ जाँदै गरेको एक निजी बस मंगलबार बिहान उत्तरप्रदेशको बलरामपुरमा दुर्घटनामा पर्दा ठूलो जनधनको क्षति भएको छ । मध्यराति करिब २ः३० बजे बस र ट्रक एकआपसमा ठोक्किँदा भीषण आगलागी भएको भारतीय प्रहरी र स्थानीय सञ्चारमाध्यमहरूले जनाएका छन् ।

यूपी २२ एटी ०२४५ नम्बरको बस र यूपी २१ डीटी ५२३७ नम्बरको ट्रक फुलबरिया सडक खण्डमा ठोक्किएपछि बस करिब १०० मिटर घिस्रिँदै गएर हाइटेन्सन लाइनको पोलमा ठोक्किएको थियो । पोल भाँचिएर बसमाथि खस्दा करेन्ट फैलिएको र त्यसपछि आगो सल्किएको अनुमान गरिएको छ । बलरामपुरका एसपी विकास कुमारका अनुसार ट्रकको ट्यांकी फुटेर आगो तीव्र बनेको सम्भावना छ । घटनाको अनुसन्धान भइरहेको छ ।

दुर्घटनामा बसमा सवार ३ जनाको जलेर मृत्यु भएको पुष्टि भएको छ भने २४ जना घाइते छन् । तीमध्ये ६ जनाको अवस्था गम्भीर छ । बसमा जम्मा ४५ जना यात्रु थिए, जसमा अधिकांश नेपाली रहेको बताइएको छ ।
समाचार स्रोतमा उल्लेख भएअनुसार, घाइतेमध्ये धेरै जना नेपालका विभिन्न जिल्लाका छन् । पहिचान खुलिएका घाइतेहरू यस प्रकार छन्—
गुल्मी-तम्घास र आसपासकाः
शिवबहादुर परियार (गुल्मी, तम्घास)
विशाल गुरुङ (गुल्मी, तम्घास)
लालबहादुर (छत्रकोट, गुल्मी)
उसा (गुल्मी)
वसन्त सर्तुंगी (तम्घास, गुल्मी)
गुनबहादुर (गुल्मी)
बुटवल क्षेत्रका

पूर्णिमा परियार

दिवाकर न्यौपाने (बुटवल)
दिया योगी (बुटवल)
सोनाम (बुटवल)
अनिसा (बुटवल)
अन्य नेपाली जिल्ला÷स्थानका ः
कृष्णबहादुर (कावासोती)
विष्णुबहादुर
अनिलबहादुर
सरस्वती
सुबोध अर्याल (स्याङ्जा)
कमलबहादुर पौडेल (मोरङ)
भुवन
ओमबहादुर (पाल्पा)
बोधबहादुर (सुनवल, नवलपरासी)
धनकुमारी
भारतीय नागरिक घाइतेः
खैरुल बुभ (भगवानपुर, बिहार)
नाउद अली (भगवानपुर, बिहार)
विक्रम (कर्नाल, हरियाणा)

दुर्घटनापछि उद्धारमा स्थानीय, प्रहरीले तथा दमकलको टोलीले सहकार्य गरेका थिए । आगो नियन्त्रणमा लिन निकै समय लागेको तथा धेरै जना यात्रु बसबाट फालिएर बाँच्न सफल भएको बताइएको छ । घटनामा मृतकहरूको पहिचान भने अझै खुल्न बाँकी छ । भारतीय प्रहरी तथा स्थानीय प्रशासनले घाइतेको उपचार र परिवारजनलाई सूचित गर्ने कार्य अघि बढाइरहेका छन् ।