काठमाडौं । नेपाली कम्युनिष्ट पार्टी (नेकपा) ले आगामी पुस ५ गते काठमाडौँमा सन्देश सभा गर्ने भएको छ । भृकुटीमण्डपमा बागमती प्रदेश, सम्पर्क समन्वय र विशेष प्रदेशको आयोजनामा ‘एकता सन्देश सभा’ गर्ने निर्णय नेकपाले गरेको हो । आज बिहान पार्टी कार्यालय पेरिसडाँडामा बसेको प्रदेश कार्यालयको बैठकले यस्तो निर्णय गरेको हो ।

सभामा नेकपाका संयोजक पुष्पकमल दाहाल ‘प्रचण्ड’, सह–संयोजक माधवकुमार नेपालसहितका नेताले सम्बोधन गर्ने कार्यक्रम छ । नेपाली कम्युनिष्ट पार्टीले अहिलेसम्म मधेस, गण्डकी, कोसी, लुम्बिनी, कर्णाली र सुदूरपश्चिम प्रदेशमा त्यस्ता सभा गरिसकेको छ । अब बागमतीको हेटौँडामा मंसिर २३ गते एकता सभा हुने सो पार्टीले जनाएको छ ।