काठमाडौं । नेकपा एमालेको ११ औं महाधिवेशनअन्तर्गत बन्द सत्र सुरू भएको छ । काठमाडौंको भृकुटीमण्डपमा आज अपराह्न सवा ३ बजेदेखि बन्द सत्र सुरू भएको हो । अहिले अध्यक्ष केपी शर्मा ओलीले सम्बोधन गरिरहेका छन्। बन्द सत्रमा वरिष्ठ उपाध्यक्ष ईश्वर पोखरेलले पनि आफ्नो अवधारणा पत्र पेस गर्ने तयारी गरेका छन्। बन्द सत्रअघि भृकुटीमण्डपमै केन्द्रीय कमिटी बैठक बसेको थियो । उक्त बैठकले पुरानै विधान ब्युँताउने निर्णय गरेको थियो ।

बन्द सत्र अध्यक्ष मण्डल नबनाई नै सुरु भएको हो। अध्यक्ष केपी शर्मा ओलीले बन्द सत्र सञ्चालन गरेका छन्। केन्द्रीय कमिटीका पदाधिकारी मञ्चमा छन्। स्थायी कमिटी र पोलिटब्यूरोसहित प्रतिनिधि तल राखेर महाधिवेशनको बन्द सत्र सुरु भएको छ। अध्यक्ष केपी शर्मा ओलीले बन्द सत्र अध्यक्षले सञ्चालन गर्ने र अध्यक्ष मण्डल नबनाउने बताउँदै बन्द सत्र सुरु गरेका हुन्। यसअघिको सचिवालय बैठकले पनि अध्यक्ष मण्डल नबनाउने निर्णय गरेको थियो।