नेकपा एमालेको ११औं राष्ट्रिय महाधिवेशनमा नेतृत्वका लागि भइरहेको मतदान सकिएको छ । बुधबार बिहान नौ बजे सुरू भएको मतदान बिहिबार बिहान साढे ६ बजे तिर सकिएको हो ।

जम्मा २२६३ प्रतिनिधि रहेकोमा २२२७ जनाले मतदान गरेका छन् । ३६ जना महाधिवेशन प्रतिनिधि भने अनुपस्थित रहे ।

विद्युतीय मेसिनबाट गरिएको मतदानको परिणाम केही घण्टाभित्रै सार्वजनिक हुने छ ।

आगामी पाँच वर्ष एमालेको नेतृत्व गर्नका लागि वर्तमान अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल प्यानलै बनाएर प्रतिपस्पर्धामा होमिएका छन् ।

महाधिवेशनले १९ जनाको पदाधिकारी सहित ३०१ जनाको केन्द्रीय कमिटी निर्वाचित गर्ने छ ।