काठमाडौं । राष्ट्रिय स्वतन्त्र पार्टी (रास्वपा) का सभापति तथा पूर्व गृहमन्त्री रवि लामिछाने थुनामुक्त हुने भएका छन् । उच्च अदालत बुटवलले ठूलो रकम धरौटी बुझाउने सर्तमा उनलाई रिहा गर्न आदेश दिएको हो । उच्च अदालत बुटवलका सूचना अधिकारी रामबहादुर कुँवरका अनुसार न्यायाधीश बासुदेव आचार्य र तेजनारायण पौडेलको संयुक्त इजलासले लामिछानेलाई धरौटीमा रिहा गर्ने निर्णय गरेको हो ।

अदालतले कुल २ करोड ६८ लाख रुपैयाँ जमानत रकम बुझाएपछि थुनामुक्त गर्न आदेश दिएको छ । लामिछानेले आफूलाई तोकिएको बिगो रकम सुरक्षित राखी थुनाबाहिर बस्न पाउने मागसहित अदालतमा निवेदन दिएका थिए । सोही निवेदनमाथि सुनुवाइ गर्दै अदालतले पहिले तोकिएको धरौटी रकममा थप एक करोड रुपैयाँ समेत जम्मा गर्नुपर्ने आदेश दिएको हो ।
अदालतको आदेशअनुसार अब लामिछानेले आफ्नो भागमा पर्ने बिगो रकम २ करोड ७४ लाख ८४ हजार रुपैयाँ सुरक्षित गरेपछि रिहा हुन पाउने छन् । साथै, उनी विदेश जान सक्ने भए पनि त्यसका लागि अनिवार्य रूपमा अदालतको अनुमति लिनुपर्ने व्यवस्था गरिएको छ । अदालतले तोकेको शर्त पूरा गरेपछि लामिछाने थुना बाहिर रहने छन् भने मुद्दाको बाँकी प्रक्रिया कानुनी ढंगले अघि बढ्ने छ । यो आदेशलाई राजनीतिक तथा कानुनी वृत्तमा अर्थपूर्ण रूपमा हेरिएको छ, किनकी यो निर्णयले आगामी दिनमा मुद्दाको दिशा र लामिछानेको राजनीतिक गतिविधिमा प्रत्यक्ष प्रभाव पार्ने अपेक्षा गरिएको छ ।
हेर्नुस् यस्तो छ आदेश