काठमाडौँ । सुचना तथा सञ्चार मन्त्री तथा सरकारका प्रवक्ता जगदिश खरेलले बयान दिन नआउने जो सुकैलाई बयानमा ल्याउन सरकारले आफ्नो अधिकार प्रयोग गर्ने बताएका छन् ।

‘पहिले विधि र प्रणाली नमान्दा पनि हुन्थ्यो होला,´ नेसनल प्रेस क्लबले अनामनगरमा गरेको अन्तरक्रियामा बोल्दै मन्त्री खरेलले भने,  `तर अहिलेको सरकार विधि र प्रणालीलाई संस्थागत गर्न बनेको हो । आयोगले आफ्नै ढंगले काम गरिरहेको छ । आयोगको काम पनि अन्तिम चरणमा छ।

बयान लिन बाँकी रहेका कोही पनि व्यक्ति बयान दिन नआएमा आयोग आफैं बयान लिन जाने र  त्यो प्रयासबाट पनि भएन भने सरकारले आफ्नो अधिकार क्षेत्रको प्रयोग गरेर बयानको लागि वातावरण बनाइदिने उनको भयान छ।

जेन-जी आन्दोलन पछि बनेको जाँचबुझ आयोगले पुर्वप्रधानमन्त्री केपी शर्मा ओली र तत्कालिन गृहमन्त्री रमेश लेखकबाहेक सबै उच्च पदस्थ व्यक्तिहरुको बयान लिने कार्य सकेको छ। तर, नेकपा एमालेका अध्यक्ष एवम् तत्कालीन प्रधानमन्त्री केपी ओलीले भने बयान दिन नजाने बताइरहेका छन् ।