काठमाडौं । आगामी फागुन २१ गतेका लागि तय प्रतिनिधि सभा निर्वाचनको समानुपातिक प्रणालीतर्फ ६४ राजनीतिक दलले उम्मेदवारको बन्दसूची निर्वाचन आयोगमा पेश गरेका छन् । आयोगले तोकेको आइतबार र सोमबारको समयसीमाभित्र ती दलहरूले सूची बुझाएको आयोगले जनाएको छ ।

निर्वाचन आयोगका अनुसार समानुपातिकतर्फ कुल ४,४२४ जना उम्मेदवार दर्ता भएका छन् । ती उम्मेदवारहरू ५८ वटा निर्वाचन चिन्हमार्फत चुनावी प्रतिस्पर्धामा रहने छन् । सूची बुझाउनेमध्ये ५४ वटा दलले आफ्नो–आफ्नै निर्वाचन चिन्ह कायम राख्दै बन्दसूची पेश गरेका छन् भने १० वटा दलले चार वटा फरक–फरक निर्वाचन चिन्ह प्रयोग गरी समानुपातिकतर्फ भाग लिएका छन् ।

आयोगको विवरणअनुसार २२ वटा दलले समानुपातिक प्रणालीअन्तर्गत उपलब्ध सबै सिटका लागि उम्मेदवारी दर्ता गराएका छन् । बाँकी दलहरूले भने कम्तीमा १० जनादेखि अधिकतम १०१ जनासम्म उम्मेदवार समेटेर बन्दसूची पेश गरेका छन् । कानुनी व्यवस्थाअनुसार न्यूनतम ११ जना उम्मेदवार समावेश गर्नुपर्ने प्रावधान रहेकोमा ६ वटा दलले ११ जनाको मात्रै बन्दसूची बुझाएका छन् ।

बन्दसूची पेश गर्ने क्रममा नेपाल मजदुर किसान पार्टी (नेमकिपा) पहिलो दलका रूपमा सूचीकृत भएको छ भने नेपाली कांग्रेस अन्तिम दलका रूपमा सूची बुझाउने दल बनेको छ ।

चार वटा निर्वाचन चिन्ह प्रयोग गरी समानुपातिकतर्फ सहभागी हुने दलहरूमा आम जनता पार्टी र जनादेश पार्टी नेपाल मोबाइल चिन्हमा, सचेतक नेपाली पार्टी र नागरिक सर्वोच्चता पार्टी नेपाल सिंह चिन्हमा, राष्ट्रिय मुक्ति पार्टी नेपाल, जनता समाजवादी पार्टी र नागरिक उन्मुक्ति पार्टी नेपाल जाँतो चिन्हमा तथा नेपाल संघीय समाजवादी पार्टी, बहुजन एकता पार्टी र नेपाल जनजागृति पार्टी नेपाल बस चिन्हमा प्रतिस्पर्धामा रहने छन् ।

निर्वाचन आयोगले बन्दसूची दर्ता प्रक्रियापछि कानुनअनुसार सूची परीक्षण, दाबी–विरोध र अन्तिम नामावली प्रकाशनको कार्यतालिका अघि बढाउने जनाएको छ । समानुपातिक प्रणालीतर्फ ठूलो संख्यामा दल र उम्मेदवार सहभागी भएपछि आगामी निर्वाचन थप प्रतिस्पर्धात्मक र बहुआयामिक हुने अपेक्षा गरिएको छ ।

कुन–कुन दलले बुझाए सूची ?
नेपाल मजदुर किसान पार्टी ११० सिट
नेपाल लोकतान्त्रिक पार्टी १२ सिट
राष्ट्रिय जनमोर्चा ११० सिट
जनप्रिय लोकतान्त्रिक पार्टी १२ सिट
नेकपा माक्सवादी (पुष्पलाल) २० सिट
गतिशिल लोकतान्त्रिक पार्टी ११ सिट
जनता समाजवादी पार्टी, नेपाल १०१ सिट
समावेशी समाजवादी पार्टी ३१ सिट
समावेशी समाजवादी पार्टी नेपाल १२ सिट
नेपाल जनता संरक्षण पार्टी १७ सिट
नागरिक शक्ति नेपाल २५ सिट
राष्ट्रिय जनमुक्ति पार्टी ११ सिट
नेपाल जनमुक्ति पार्टी ११ सिट
मंगोल नेशनल अर्गनाइजेसन ११० सिट
उन्नत लोकतन्त्र पार्टी २२ सिट
जनता लोकतान्त्रिक पार्टी, नेपाल २५ सिट
पिपुल फस्ट पार्टी १८ सिट
नेपालको लागि नेपाली पार्टी ४३ सिट
लोकतान्त्रिक समाजवादी पार्टी नेपाल ११० सिट
त्रिमूल नेपाल २३ सिट
स्वाभिमान पार्टी ११ सिट
प्रजातान्त्रिक पार्टी नेपाल ४१ सिट
नेकपा (माले) ११० सिट
राष्ट्रिय उर्जाशिल पार्टी नेपाल ४६ सिट
एकल चिन्ह मोवाइल ११० सिट
राष्ट्रिय एकता दल ३२ सिट
राष्ट्रिय गौरब पार्टी २५ सिट
एकल चिन्ह जाँतो (चकिया) ११० सिट
श्रम संस्कृति पार्टी ११० सिट
नेशनल रिपब्लिक नेपाल २९ सिट
जनअधिकार पार्टी ११ सिट
राष्ट्रिय परिवर्तन पार्टी ४९ सिट
संसदीय लाकतान्त्रिक राष्ट्रिय मञ्च ११० सिट
नेपाल सद्भावना पार्टी ११० सिट
नेकपा (एमाले) ११० सिट
जनमत पार्टी ११० सिट
राष्ट्रिय मुक्ति आन्दोलन नेपाल २७ सिट
नेपाली कांग्रेस (बिपी) ११ सिट
राष्ट्र निर्माण पार्टी नेपाल ३५ सिट
राष्ट्रिय जनता पार्टी नेपाल १२ सिट
नेपाल मातृभूमि पार्टी २० सिट
मितेरी पार्टी नेपाल ११० सिट
एकल चिन्ह जकर भएको सिंह २५ सिट
नेपाली जनश्रमदान संस्कृति पार्टी ११ सिट
बहुजन शक्ति पार्टी २० सिट
नेपाली कम्युनिष्ट पार्टी (संयुक्त) ११० सिट
नेपाली कम्युनिष्ट पार्टी (नेकपा) ११० सिट
नेपाली जनता दल ११० सिट
जय मातृभूमि पार्टी ५५ सिट
राष्ट्रिय प्रजातान्त्रिक पार्टी ११० सिट
नेकपा (माओवादी) ११० सिट
सार्वभौम नागरिक पार्टी २८ सिट
प्रगतिशिल लोकतान्त्रिक पार्टी ११० सिट
नेपाल जनता पार्टी ६० सिट
एकल चिन्ह बस ११० सिट
संयुक्त नागरिक पार्टी ६१ सिट
राष्ट्रिय स्वतन्त्र पार्टी (रास्वपा) ११० सिट
नेपाली कांग्रेस ११० सिट