काठमाडौँ ।  नेपाली कांग्रेसका महामन्त्री गगन थापाले राष्ट्रिय सभामा नेकपा एमालेसँगको गठबन्धन किन हो आफुलाई थाहा नभएको बताएका छन् । 

‘पार्टीको तल्लो कमिटीबाट कुनै सिफारिस भएको छैन तर नेताका खल्तीबाट उम्मेदवार चयन गरिएको छ’, उनले भने ‘हामीलाई पार्टीको यो साघुरो घेरा स्वीकार्य हुदैन ।  संख्याको दम्भ देखाउन बन्द गरे हुन्छ।’ 

कांग्रेसको केन्द्रीय कार्यसम्पादन समितिको बैठकमा सहभागी हुने क्रममा महामन्त्री थापाले आफु गणितका लागि नभएर विधीका लागि लागिरहेको पनि स्पष्ट पारे। ‘ यो गणितीय कुरा होईन, गणित मलाई पनि आउछ। गणितको कुरा भएको भए मधेशी, मुसलमान, दलित को कुरा उठ्दैन थियो।  आज एकजना जनजातीको नाम छैन ’उनले भने ‘ हामी विधिको लागि लडिरहेका छौँ।’

१८ सिटका लागि राष्ट्रिय सभाको निर्वाचन आगामी माघ ११ गते हुदैछ।  त्यसका लागि दलहरुले माघ ६ सम्म निर्वाचन आयोगमा उम्मेदवारी दर्ता गरिसक्नुपर्नेछ ।