काठमाडौं । कुलमान घिसिङ अध्यक्ष रहेको उज्यालो नेपाल पार्टी (उनेपा)ले काठमाडौंमा बृहत् मोटरसाइकल र्‍याली निकालेको छ ।

पार्टीको निर्वाचन परिचालन समितिको संयोजनमा शनिबार काठमाडौंको तीनकुने, थापाथली, जमल, कमलपोखरी, गौशला हुँदै तीनकुनेसम्म मोटरसाइकल र्‍याली निकालेको हो ।

पार्टीले मोटरसाइकल र्‍यालीलाई प्रतिनिधिसभा निर्वाचनको वार्मअपको रूपमा लिएको छ ।

गत साता रास्वपासँग एकता भाँडिएपछि घिसिङ नेतृत्वको उनेपाले एक्लै निर्वाचन लड्ने तयारी गरेको छ । राष्ट्रिय परिवर्तन पार्टीसँग यो दलले हालै एकता गर्‍यो ।

तर, निर्वाचनकेन्द्रित गतिविधि खासै गरेको देखिएको छैन । जबकि, प्रतिनिधिसभा निर्वाचन आगामी डेढ महिनामा हुँदैछ ।