यसपटकको निर्वाचनमा चितवन-३ मा नेकपा एमालेले शंकरराज थपलियालाई उम्मेदवार बनाउने निर्णय गरेको छ भने राष्ट्रिय प्रजातन्त्र पार्टीबाट विक्रम पाण्डेको चर्चा छ। यता नेपाली कांग्रेसले भने उक्त क्षेत्रमा कसलाई उम्मेदवार बनाउने भन्‍ने टुङ्‍गाे लागिसकेको छैन।

रास्वपाबाट गौतम र नेकपाबाट रेणु उठ्ने चर्चासँगै चितवन-३ पनि चुनावी चर्चाको केन्द्रमा छ। दुई पटक भरतपुर महानगरको मेयर भइसकेको हुँदा दाहालको त्यो क्षेत्रमा राम्रै प्रभाव रहेको बताइन्छ।  तर संसदीय राजनीतिको अनुभव बटुलिसकेकी गौतम चितवन-३ को चुनावी मैदानमा उत्रिदा दाहाललाई अपेक्षित सजिलो नहुने विश्लेषकहरु बताउँछन्।

चितवन-३ यसअघिका सबै संसदीय चुनावमा धेरै चर्चा हुने क्षेत्र मध्येको एक हो।  यसपटक पनि दुई युवा नेतृ चुनावी प्रतिष्पर्धाले चितवन-३ पनि राष्ट्रिय राजनीतिको केन्द्रमा रहने निश्‍चितजस्तै भएको छ ।