काठमाडौं । राष्ट्रिय मुक्ति पार्टीका अध्यक्ष राजेन्द्र महतोले सर्लाही–२ मा उम्मेदवारी दर्ता गराएका छन् ।

जुलुससहित नाराबाजी गर्दै उम्मेदवारी दर्ता गर्न उनी निर्वाचन अधिकृतको कार्यालय पुगेका थिए । उनको यसपटक नेकपा उम्मेदवार महेन्द्र राय यादवसँग प्रतिस्पर्धा हुने भएको छ ।

पूर्वउपप्रधानमन्त्री महतो लामो समयदेखि मधेश आन्दोलनमा सक्रिय नेता हुन् । तर, केही वर्षदेखि मधेस आन्दोलन सुस्ताएको छ ।

नेता महतो, जसपा अध्यक्ष अशोककुमार राई र नाउपा अध्यक्ष रेशमलाल चौधरीले गठबन्धन बनाएर चुनावमा गएका छन् ।