काठमाडौं । रुघा, खोकी र ज्वरोको संक्रमणपछि नेपाली कम्युनिस्ट पार्टी (नेकपा)का सहसंयोजक माधवकुमार नेपाल त्रिवि शिक्षण अस्पताल महाराजगञ्जमा भर्ना भएका छन् ।

अस्पतालको छाती रोग विभागमा भर्ना भएका नेपालको उपचार जारी रहेको उनको सचिवालयले जनाएको छ ।

केही दिनदेखि रुघा खोकीको संक्रमण भए पनि उनी चुनावी अभियानमा थिए । ज्वरोसमेत थपिएपछि उनी अस्पताल पुगेका हुन् ।

उनको छातीमा संक्रमण देखिएको उपचारमा संलग्न चिकित्सकले बताएका छन् । उनी रौतहट–१ मा नेकपाबाट प्रतिनिधिसभा सदस्य उम्मेदवार छन् ।