काठमाडौं । नेपाली कांग्रेसका महामन्त्री प्रदीप पौडेलले देशको अर्थतन्त्रको मजबुती नै राजनीतिको प्रधान मुद्दा हुनुपर्ने बताएका छन् ।

त्यसका लागि राजनीतिक दलहरूले एकअर्कालाई गाली गरेर नभई राम्रा आर्थिक मुद्दा ल्याएर प्रतिस्पर्धा गर्नुपर्नेमा उनले जोड दिए ।

‘देशको आर्थिक क्षमता वृद्धि गर्ने विषय नै आजको हाम्रो राजनीतिको प्रधान विषय हो,’ उनले भने, ‘अब हामीले प्रतिस्पर्धा गर्ने एकअर्कालाई गाली गरेर होइन, राम्रा आर्थिक मुद्दा ल्याएर प्रतिस्पर्धा गर्ने कुरा उपयुक्त हो भन्ने लाग्छ ।’

उनले आगामी २१ फागुनमा हुने प्रतिनिधिसभा निर्वाचनमा मर्यादित प्रतिस्पर्धाका लागि मुद्दामा आधारित भएर प्रतिस्पर्धात्मक प्रणालीलाई विकास गर्नुपर्ने पनि बताए ।

यतिबेला जनताले चाहेको दलका नेतृत्वहरूको आर्थिक अवधारणा भएको पनि उल्लेख गरे । तर, त्यसमा दलीय नेतृत्वहरू सफल नभएको उनको भनाइ छ ।