काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले आफू कहिल्यै निरुत्साहित नभएको बताएका छन् ।

यसपटक ‘कत्तिको उत्साहित हुनुहुन्छ’ भन्ने पत्रकारको प्रश्नमा उनले आफू कहिल्यै निरुत्साहित नभएको र जनतामा पनि राम्रो उत्साह भएको बताए ।

‘कहिले पनि निरुत्साहित/हतोत्साहित हुन्नँ । त्यसमाथि जनतामा राम्रो उत्साह छ,’ ओलीले भने ।

चुनावी अभियानको क्रममा घरदैलोमा रहेका ओलीले जनताले आफूलाई सुनिरहेको र देखिरहेको बताए ।

चुनावअघि आफूसँग प्रतिस्पर्धा चर्को हुने कुरा चुनावपछि सकिने पनि उल्लेख गरे ।

ओली शनिबारदेखि चुनाव क्षेत्र झापामा छन् । त्यहाँ उनले मतदातालाई भेट्ने र भोट माग्ने गरिरहेका छन् ।