काठमाडौं ।आम जनता पार्टी (आजपा)बाट रौतहट–४ मा उम्मेदवार बनेका पूर्वपत्रकार ऋषि धमलाले प्रधानमन्त्री बन्न नभई देश बदल्न राजनीतिमा आएको बताएका छन् । पटकपटक आफूलाई मन्त्री बन्न प्रस्ताव आएको तर अस्वीकार गरेको पनि उनले दाबी गरे ।

पछिल्लोपटक प्रधानमन्त्री सुशीला कार्कीले आफूलाई मन्त्री बन्न भनेको र विगतमा गिरिजाप्रसाद कोइरालाले प्रचण्डलाई काठमाडौंको नयाँ बजारमा गएर ऋषिलाई मन्त्री बनाउनु भनिए पनि आफूले स्वीकार नगरेको सुनाए ।

उनले आफू पदका लागि नभई देश बनाउने लक्ष्यले राजनीतिमा आएको उनको भनाइ छ । मधेशबाट दाइजो प्रथा अन्त्य गर्ने र महिलाहरूलाई न्याय दिलाउने पनि बताए ।