काठमाडौं । आज फेब्रुअरी १४ अर्थात् भ्यालेन्टाइन डेको दिन नेपालसहित विभिन्न देशमा प्रेमिल जोडीहरूले एक–आपसमा शुभकामना साटासाट गर्दै मनाउँदै छन् ।

भ्यालेन्टाइन डे प्रेम, स्नेह र भावनाको अभिव्यक्ति गर्ने विशेष दिनका रूपमा चिनिन्छ । आधुनिक समयसँगै यसको प्रभाव नेपालमा पनि बढ्दै गएको छ । विशेषगरी युवा पुस्तामा यस दिन फूल, चकलेट, कार्ड, उपहार तथा साथमा समय बिताउने चलन बढ्दो देखिन्छ ।

भ्यालेन्टाइन डे एक सातासम्म चल्ने ‘भ्यालेन्टाइन सप्ताह’को अन्तिम दिन हो । यस अवधिमा रोज डे, प्रपोज डे, चकलेट डे, टेडी डे, प्रमिस डे, हग डे र किस डे जस्ता विभिन्न दिन मनाइएपछि आजको दिन प्रेम दिवसका रूपमा समापन गरिन्छ ।