काठमाडौं । नेपालले १४ वर्षपछि टी-२० विश्वकप अन्तर्गतको खेलमा जित हात पारेको छ ।

मुम्बईको वाङ्खडे रंगशालामा स्कटल्याण्डलाई ७ विकेटले पराजित गर्दै नेपालले जित हात पारेको हो । पहिले ब्याटिङ गरेको स्कटल्याण्डले दिएको १७१ रनको लक्ष्य नेपालले ओभर बलमा ३ विकेट गुमाएर पुरा गरेको हो ।

नेपालको जितमा दिपेन्द्र सिंह ऐरीले अर्धशतकीय पारी खेल्दै रनको योगदान गरे । उनले २३ बलमा चार चौका र तीन छक्काको मद्धतमा ५० रन बनाए । यससँगै उनी विश्वकपमा दुई अर्धशतक बनाउने पहिलो नेपाली खेलाडी बनेका छन् ।

नेपालका ओपनर कुशल भुर्तेलले ४३ रनको योगदान गरे भने आशिफ शेखले ३३ रन बनाए । कप्तान रोहित पौडेल १६ रन बनाएर आउट हुँदा ऐरीलाई बलियो साथ दिएका गुल्सन झाले अविजित २४ रन बनाए ।

स्कटल्याण्डका माइकल लिस्क एक्लैले तीन विकेट लिए ।

तेस्रो पटक विश्वकप खेलिरहेको नेपालले सन् २०१४मा पहिलो पटक विश्वकपमा सहभागिता जनाएको थियो । उक्त विश्वपकमा अफगानिस्तान र हङकङलाई पराजित गरे पनि २०२४को विश्वकपमा भने नेपाल जितबिहिन भएको थियो ।