काठमाडाै‌ । नेपाली कांग्रेसका सभापति गगनकुमार थापाले हरेक नेपालीलाई सम्मानित भएर बाँच्न पाउने‍ गरी देश निर्माण नै अबको भिजन भएको बताएका छन् ।

मधेश प्रदेशको जनकपुरमा आयोजित चुनावी सभालाई सम्बोधन गर्दै उनले नेपाली काँग्रेसका प्रवक्ता देवराज चालिसेले सबैको समान अस्तित्व र सहभागिताका लागि काँग्रेसले मधेसबाट प्रतिज्ञापत्र सार्वजनिक गरेको बताएका हुन् ।

पार्टी मुख्यालय सानेपामा बुधबार आयोजित पत्रकार सम्मेलनमा उनले मधेसबाट प्रतिज्ञापत्र सार्वजनिक गर्नु आफैँमा सन्देश भएको बताए । नेपाल सबैको साझा देश भएकाले हरेक प्रदेश र भुगोललाई समान रूपमा जोड्न आवश्यक रहेको उनले बताए ।

सबै समुदायको समान अस्तित्व र समान सहभागिता सुनिश्चित गर्नुपर्नेमा पनि उनले जाेड दिए । जनकपुरबाट प्रतिज्ञापत्र सार्वजानिक गर्नुले अपनत्व र समावेशिताको सन्देश प्रवाह गरेको उनकाे भनाइ छ ।

काठमाडौंबाट प्रतिज्ञापत्र सार्वजानिक गर्ने चलनलाई परिवर्तन गर्दै मधेसबाटै घोषणा गर्नु राजनीतिक सन्देशसहितको निर्णय भएको उनले बताए । उनले पार्टी केवल संरचनागत रूपमा नभई सोच र व्यवहारमा समेत परिवर्तनको दिशामा अघि बढेको दाबी गरे ।

उनले भने,  ‘मधेश प्रदेशमा हामीले यसपटक प्रतिज्ञापत्र जनकपुरमा सार्वजानिक गरेका छौँ । मधेसमा हामीले किन प्रतिज्ञापत्र सार्वजानिक गर्‍याैँ, यो आफैँमा प्रश्न हो । काठमाडौबाट नै शुभारम्भ गर्ने चलन चलिआएकोमा नेपाली काँग्रेसले त्यो परम्परालाई बदल्दै काँग्रेस बदलिएको मात्रै होइन, धेरै बदलिएको तस्बिर हरेक क्षणक्षणमा प्रमाणित गर्दै गएका छौँ । नेपाल सबैको साझा हो, हरेक प्रदेश जोडिनुपर्छ, हरेक भुगोल जोडिनुपर्छ । सबैको समान अस्तित्व र समान सहभागिता आवश्यक छ । यसले आफ्नो महत्व देखाएको छ । यसपटक जनकपुर, अर्कोपटक पश्चिममा, अर्को पटक पूर्वमा होला । हरेक जनताको अपन्वत्व होस् भन्ने यसले मान्यता पनि राखेको छ ।’

उनका अनुसार काँग्रेसले यसपटकको आफ्नो प्रतिज्ञापत्र मधेस प्रदेशको जनकपुरधामबाट सार्वजनिक गरेको छ । काँग्रेसले भिजन १० मा आधारित भएर प्रतिज्ञापत्र सार्वजानिक गरेको उनकाे भनाइ छ ।

‘प्रत्येक नेपाली सम्मानित भएर बाँच्न पाउने बनाउनेछौँ । प्रत्येक नेपालीले सपना देख्न पाउने र आफ्नो जीवनकालमा साकार हुनसक्ने बनाउनेछौँ । नेपाललाई पेटभरि खुवाउने र आफ्नो उत्पादनलाई संसारभरी चिनाउनसक्ने किसानको नेपालमा बनाउनेछौँ,’ उनले भने, ‘नेपाललाई हामी छोराछोरीलाई पढाउँदै गर्दा ऋण काढ्नुनपर्ने बनाउनेछौँ । यो नेपाललाई हामी ओखती गर्दैगर्दा डराउन नपर्ने नेपाल बनाउनेछौँ ।’

नेपाललाई मौलिकतामा गौरव गर्ने नेपाल बनाउने उनले प्रतिज्ञा गरे । ‘सँगसँगै आधुनिकतामा लम्किने नेपाल बनाउनेछौँ । यो नेपाललाई विश्वले स्वाभिमानी देश भनेर चिन्ने देश बनाउनेछौँ’, उनले भने ।

प्रत्येक नागरिक हैरानीबाट नगुज्रिने नेपाल बनाउने उनले बताए । ‘यो हाम्रो संकल्प हो, प्रतिज्ञा हो,’ सभापति थापाले थपे ।