काठमाडौं – रौतहटको गौरमा दुई समूदायबीच विवाह भएको छ । आज गौर नगरपालिका वडा नम्बर ६ सबगढामा विवाहको जन्ती र स्थानीय मुस्लिम समूदायबीच विवाद हुँदा झडप भएको हो ।

फागुन ७ गते राति बौधिमाई नगरपालिका–९ सरमुजवाबाट सबगढास्थित सत्यनारायण साहको घरमा आउँदै गरेको जन्तीले मस्जिद अगाडि बाजा बजाएको विषयलाई लिएर विवाद भएको जनाइएको छ ।

राति नै ढुङ्गा हानाहान हुँदा ६ जना घाइते भएका थिए । यसै बिषयलाई लिएर आज बिहान ९ः१५ बजे पुनः दुवै पक्षबीच विवाद भएको थिए । दुबै पक्षका करीब ५०० को सङ्ख्यामा भेला भएका मानिसहरूबीच दोहोरो झडप भएको छ ।

स्थिति तनावग्रस्त बनेपछि नेपाल प्रहरी र सशस्त्र प्रहरी बलका टोली परिचालन गरिएको थियो । भीडलाई नियन्त्रणमा लिन सुरक्षाकर्मीले १२ राउण्ड ब्ल्याङ्क फायर ९हवाई फायर० र ४० सेल अश्रुग्यास प्रहार गरेका छन् । झडपमा परी थप ६ जना घाइते भएका छन् ।