काठमाडौं । प्रतिनिधिसभा निर्वाचनमा घाइते हुने सबै सुरक्षाकर्मीको उपचार खर्च सरकारले व्यहोर्ने भएको छ ।

मंगलबार बसेको मन्त्रिपरिषद् बैठकका निर्णय सार्वजनिक गर्दै नेपाल सरकारका प्रवक्ता समेत रहेका गृहमन्त्री ओेमप्रकश अर्यालले सो जानकारी दिएका हुन् ।

उनले सो क्रममा कुनै सुरक्षाकर्मीको मृत्यु भएका निजको आश्रित परिवारलाई क्षतिपूर्तिवापत आर्थिक सहायता उपलब्ध गराउने निर्णय पनि गरिएको पनि बताए ।

त्यसैगरी सरकारले यातायात क्षेत्रसम्बन्धी सर्वोच्च अदालतका आदेशहरु कार्यान्वयनबारे जाँचबुझ आयोगको कार्य अवधि एक महिना थप गरेको छ ।

१६ औँ योजना कार्यांन्वयन कार्ययोजना पनि स्वीकृत गरिएको छ । सरकारले हितमान गुरुङलाई बेलायतका राजाद्वारा प्रदान गरिने बीइएम उपाधि ग्रहण गर्न स्विकृति प्रदान पनि गरेको छ ।