काठमाडौं । आज रातिदेखि काठमाडौंमा मदिरा बिक्री वितरणमा प्रतिबन्ध लगाइएको छ।

जिल्ला प्रशासन कार्यालय काठमाडौंले सूचना जारी गर्दै प्रतिनिधिसभा निर्वाचनकाे अन्तिम परिणाम नआउञ्‍जेलसम्म मदिराकाे बिक्री वितरणमा प्रतिबन्ध लगाएकाे हाे ।

काठमाडौँका सहयाक प्रमुख जिल्ला अधिकारी मुक्तिराम रिजालले जारी गरेको सूचनामा भनिएको छ, ‘काठमाडौँ जिल्लाभित्र मिति २०८२/११/१५ गते राति १२ बजेदेखि निर्वाचनको अन्तिम परिणाम घोषणा नभएसम्मका लागि मादक पदार्थको बिक्री वितरण, ओसारपसार तथा सेवनमा प्रतिबन्ध लगाइएको छ।’

जिल्ला प्रशासन कार्यालयले यो अवधिमा मदिराको बिक्री वितरण, ओसारपसार र सेवन नगर्न आग्रह गरेको छ।

प्रतिनिधिसभा निर्वाचन यही २१ फागुनमा हुँदै छ ।

निर्वाचन आयाेगले मतदानकाे तीन दिनसम्ममा नतिजा सार्वजनिक गरिसक्ने जनाएकाे छ ।