काठमाडौं । प्रगतिशील लाेकतान्त्रिक पार्टी (प्रलाेपा)बाट रुकुम पश्‍चिममा प्रतिनिधिसभा सदस्य उम्मेदवार बनेका नेता जनार्दन शर्माले जिल्लालाई विकासकाे दृष्टिले देशकै नमूना जिल्ला बनाउन आँखा चिह्नमा मतदान गर्न आग्रह गरेका छन् ।

आफूलाई साझा उम्मेदवार भएकाे दाबी गर्दै उनले आफ्नाे जितले रुकुम पश्‍चिमकाे भविष्य उज्वल हुने दाबीसमेत गरे । मतदाताहरुले एक भाेट जनार्दनलाई दिने भनेकाे भन्दै उनले त्याे आफूले विगतमा गरेकाे कामकाे परिणाम भएकाे बताए ।

‘आँखा चिह्नमा मतदान गरेर प्रत्यक्षतर्फ विकासकाे लागि, समृद्धिकाे लागि, सुशासनकाे लागि,  सामाजिक न्यायकाे लागि, रुकुमलाई एउटा देशकै माेडल बनाउने विकासकाे दृष्टिले पनि, गरिबीरहित समाज निर्माणकाे दृष्टीले पनि, बेराेजगाररहित समाज बनाउनका लागि र रुकुमकाे भविष्यका लागि रुकुमकाे विकासलाई जिताउनुहाेस् भन्ने आह्वान गर्दछु,’ उनले शुक्रबार भने ।

विगतमा आफूले सबै दललाई मिलाएर जिल्लाकाे विकासमा नेतृत्त्व गरेकाे पनि उनकाे दाबी छ ।