काठमाडौं । नेकपा एमालेका सचिव तथा भक्तपुर-२ का उम्मेदवार महेश बस्नेतले सरकार र निर्वाचन आयोगको भूमिकालाई शङ्‍कास्पद रुपमा हेरिरहेकाे बताएका छन् ।

निष्पक्ष, भयरहित र स्वतन्त्रपूर्वक निर्वाचन गर्नेमा शङ्‍का रहेकाेतर्फ सङ्‍केत गर्दै उनले हरेक मतदान केन्द्रमा ३० जना  नेशनल भाेलेन्टियर्स फाेर्सका युवाहरु खटाइने जानकारी दिए ।

उनले भने, ‘सरकार र निर्वाचन आयोगको भूमिकालाई एमालेले शंकास्पद रुपमा हेरिरहेको छ। त्यही भएर प्रत्येक मतदान केन्द्रमा निर्वाचन निष्पक्ष, स्वतन्त्र र धाँधलीरहित होस् भन्ने अन्य दलहरुलाई दबाब दिन होइन कि आफ्नो मत सुरक्षा गर्ने हिसाबले र त्यहाँको व्यवस्थापकीय काम गर्न र एउटा बुथमा न्यूनतमक ३० जना नेशनल भोलेन्टियर्स फोर्सका युवाहरु खटाउने भनेका छौँ र त्यो तयारी हामीले गरेका छौँ ।’

एमालेले राष्ट्रिय युवा सङ्‍घ नेपालकाे विकल्पमा अर्काे युवा दस्ता अघिल्लाे महिना गठन गरेकाे हाे ।