काठमाडौं। संजु सामसनको तूफानी ब्याटिङको मद्धतमा भारतले आईसीसी पुरुष टी२० विश्वकप २०२६ को दोस्रो सेमिफाइनलमा इंग्ल्यान्डलाई ७ रनले पराजित गर्दै फाइनलमा प्रवेश गरेको छ।

मुम्बईको वानखेडे स्टेडियममा खेलिएको यस रोमाञ्चक खेलमा इंग्ल्यान्डले टस जितेर पहिले फिल्डिङ गर्ने निर्णय गर्यो। तर यो निर्णय इंग्ल्यान्डका लागि महँगो पर्यो। संजु सामसनले ४२ गेंदमा ८९ रन बनाउँदै भारतलाई विशाल स्कोर खडा गर्न मद्दत गरे। पावरप्लेमा नै ६७/१ पुगेको भारतले सामसन र ईशान किशनको बीच ९७ रनको साझेदारीको बदौलत आफ्नो पकड बलियो बनायो। त्यसपछि शिवम दुबेले २५ गेंदमा ४३, हार्दिक पाण्ड्याले १२ गेंदमा २७ र तिलक वर्माले ७ गेंदमा २१ रनको तीव्र पारी खेल्दै भारतलाई २०ओभरमा २५३/७ को विशाल स्कोर दिलाए।

२५४ रनको लक्ष्य लिएर उत्रिएको इंग्ल्यान्डको सुरुवात नराम्रो रह्यो। पावरप्लेमै फिल साल्ट, जस बटलर र ह्यारी ब्रुकका विकेट गुमाउँदै इंग्ल्यान्ड ६८/३ मा पुग्यो। जेकब बेथेलले ४८ गेंदमा ८ चौका र ७ छक्कासहित १०५ रन बनाउँदै शानदार पारी खेले तर अन्तिममा रन आउट हुँदा उनको प्रयास व्यर्थ भयो। अन्तिम ओभरमा जोफ्रा आर्चरले तीन छक्का बनाउँदै लडाइँ गरे तर भारतले ७ रनले जित निकाल्यो।

भारत अब ८ मार्चमा अहमदाबादको नरेन्द्र मोदी स्टेडियममा न्युजिल्यान्डसँग फाइनल खेल्नेछ। यो टी२० विश्वकप सेमिफाइनलमा यी दुई टिमको तेस्रो लगातार भेट हो । इंग्ल्यान्डले २०२२ मा १० विकेटले र भारतले २०२४ मा ६८ रनले जितेको थियो, र दुवै पटक विजेता टोलीले उपाधि पनि जितेको थियो।