उक्त नौ सिटका लागि खसआर्य समूहबाट प्रमेश हमाल, प्रेम बयक र बलावती शर्मालाई सिफारिस गरेको छ । बयकले अपाङ्गता भएका व्यक्तिहरूको समेत प्रतिनिधित्व गर्छन् । यस्तै, आदिवासी जनजाति समूहबाट परशुराम तामाङ र भीमकुमारी बुढा तथा मधेसी समूहबाट जोगकुमार बर्बरिया यादव सिफारिस भए ।  दलित समूहबाट पार्वती विक र गणेश विश्वकर्मा सिफारिस हुँदा थारु समूहबाट निराशा चौधरी डगौरालाई सांसद बनाउन सिफारिस गरिएको छ ।