काठमाडौं । भदौ २४ गते उत्पन्न राज्यविहीनताको अवस्थालाई उपयोग गर्दै जेलबाट निकालिएका राष्ट्रिय स्वतन्त्र पार्टी (रास्वपा)का सभापति रवि लामिछाने का प्रमुख स्वकीय सचिव अविनाश आचार्य र जेलर सत्यराज जोशीबीच घटनाअघि नै फोन सम्पर्क भएको तथ्य सार्वजनिक भएको छ।

जेन-जी घटनाको छानबिनका लागि गठित गौरीबहादुर कार्की नेतृत्वको जाँचबुझ आयोगले गरेको अध्ययनका क्रममा यी विवरण फेला परेका हुन्। आयोगको प्रतिवेदनअनुसार भदौ २३ र २४ दुवै दिन जोशी र आचार्यबीच दुई पटक टेलिफोन वार्ता भएको पुष्टि भएको छ।

यससँगै, प्रतिवेदनमा जेलर जोशीले भदौ २४ गते मात्रै गृह मन्त्रालयका सहसचिव आनन्द काफ्ले लाई ६ पटक फोन सम्पर्क गरेको उल्लेख छ। त्यस्तै, ललितपुरका प्रमुख जिल्ला अधिकारीले जोशीलाई भदौ २७ गते एक पटक फोन गरेको तथ्य पनि प्रतिवेदनमा समावेश गरिएको छ।