एजेन्सी। इराकको राजधानी बगदाद मा एक अमेरिकी महिला पत्रकार अपहरणमा परेकी छन्। अपहरणमा परेकी पत्रकारको नाम शैली किटलसन हो, जो एक फ्रीलान्सर पत्रकार हुन्।

इराक र अमेरिकी अधिकारीहरूको अनुसार, उनलाई इरान समर्थित मिलिसियाले अपहरण गरेको आशंका गरिएको छ। विशेष गरी कताइब हिज्बुल्लाह नामक समूहसँग अपहरणकारीहरूको सम्बन्ध रहेको बताइएको छ।

घटनापछि इराकी गृह मन्त्रालय ले अनुसन्धान अघि बढाउँदै एक जना संदिग्धलाई पक्राउ गरेको जानकारी दिएको छ। अपहरणकारीहरूको खोजी अझै जारी रहेको छ।

पछिल्लो समय इरान समर्थित मिलिसियाहरूले अमेरिका सम्बन्धित लक्ष्यहरूमा आक्रमण बढाउँदै आएको सन्दर्भमा यो घटना थप संवेदनशील मानिएको छ।