काठमाडौं । डा. महावीर पुन स्वतन्त्र सांसदको रूपमा कानुन निर्माण गर्ने थलो प्रतिनिधिसभा आइपुगेका छन् ।

सांसद भएपछि उनले पदीय मर्यादा र गरिमा कायम राख्दै आफ्नो विचार राख्नुपर्छ । नीति निर्माण गर्ने सांसदबाट ‘हिंसाप्रेरित अभिव्यक्ति’ त आउनै हुँदैन ।

तर, उनले गृहमन्त्री सुधन गुरुङले एकपछि अर्को पूर्वविशिष्ट राजनीतिक पदाधिकारीलाई पक्राउ गरेको प्रसङ्गमा आइतबार भने, ‘ठोक्नैपर्छ ।’

उनको यो भनाइको आशय भ्रष्टाचारी, तस्कर, बिचौलिया मात्रै नभएर २३ भदौमा भएको जेन–जी विद्रोहमा तत्कालीन प्रधानमन्त्रीका रुपमा रहेका एमाले अध्यक्ष केपी शर्मा ओली, पूर्वगृहमन्त्री रमेश लेखकको पक्राउ गरेर थुन्नुपर्छ भन्ने हो ।

तर, सांसदजस्तो भूमिकामा रहेका व्यक्तिले ‘ठोक्नुपर्छ’ भन्ने अभिव्यक्ति दिनु शोभनीय त होइन नै, पदीय गरिमा र मर्यादाविपरीत पनि हो ।