एजेन्सी। इस्लामिक रिभोलुसनरी गार्ड कर्प्स (आईआरजीसी)ले आफ्नो गुप्तचर प्रमुख मारिएको जनाएको छ। इरानी सञ्चारमाध्यममा प्रकाशित विज्ञप्तिअनुसार मजिद खदेमी सोमबार बिहान मारिएका हुन्।

घटनाका लागि आईआरजीसीले अमेरिका र इजरायललाई दोषी ठहर गरेको छ। यस विषयमा प्रतिक्रिया माग्दा इजरायली रक्षा बल (आईडीएफ)ले उक्त खबरबारे अनुसन्धान गर्ने बताएको छ। खदेमीले यसअघि मोहमद काजेमीलाई प्रतिस्थापन गरेका थिए। काजेमी २०२५ जुन १५ मा भएको इजरायली आक्रमणमा मारिएका थिए, जुन १२ दिने इरान–इजरायल द्वन्द्वको क्रममा भएको थियो।

खदेमीले यस वर्ष फेब्रुअरी र जनवरीमा भएका सरकारविरोधी आन्दोलनपछि डोनाल्ड ट्रम्पमाथि गरिएको कथित हत्या योजनालाई प्रोत्साहन गरेको आरोप लगाएका थिए। उनका अनुसार यस्तो रणनीतिले मृत्यु संख्या बढाएर विदेशी सैन्य हस्तक्षेपलाई औचित्य दिने प्रयास गरिएको थियो।

त्यसै क्रममा उनले इरानमा फैलिएको आन्दोलनमा इजरायलको साइबर तथा गुप्तचर इकाइ युनिट ८२०० सहित १० भन्दा बढी विदेशी गुप्तचर निकाय संलग्न रहेको दाबी गरेका थिए।

अमेरिकास्थित मानव अधिकार अभियन्ता न्युज एजेन्सीका अनुसार जनवरीमा भएको दमनका क्रममा इरानमा कम्तीमा ७ हजार जनाको ज्यान गएको उल्लेख छ।