काठमाडौं। नेकपा एमालेका अध्यक्ष केपी शर्मा ओली र नेपाली कांग्रेसका नेता रमेश लेखक हाजिरी जमानीमा रिहा हुने भएका छन्।

जिल्ला अदालत काठमाडौँले उनीहरूलाई हाजिरी जमानीमा रिहा गर्न आदेश दिएको हो। यसअघि अनुसन्धानका लागि अदालतले उनीहरूलाई तेस्रो पटक पाँच दिनको म्याद थपेको थियो। उक्त म्याद आज सकिँदैछ।

सर्वोच्च अदालतले अब म्याद नथप्नु भन्ने आदेश दिएपछि उनीहरू रिहा हुन लागेका हुन्।

ओली र लेखक गत भदौ २३ को घटनाको छानबिनका लागि १४ चैतमा पक्राउ परेका थिए।