रौतहट। इलाका प्रहरी कार्यालय चन्द्रनिगाहपुरले किसानको घरबाट बोका चोरी गर्ने एक युवकलाई पक्राउ गरेको छ।

चन्द्रपुर नगरपालिका-५ का शिवम माझीको घरबाट वैशाख ४ गते राति करिब सवा ८ बजे बोका चोरी भएको थियो। प्रहरीले अनुसन्धानका क्रममा चोरीमा संलग्न व्यक्तिलाई नियन्त्रणमा लिएको हो।

पक्राउ पर्नेमा देवाही गोनाही नगरपालिका-६ उचिडीका अन्दाजी २७ वर्षीय विक्रम ठाकुर रहेका छन्। पक्राउ परेका ठाकुरलाई जिल्ला अदालत रौतहटबाट म्याद थप गरी अनुसन्धान भइरहेको जिल्ला प्रहरी कार्यालय रौतहटले जनाएको छ।