काठमाडौं । नेपाल-भारत सिमानामा लागू गरिएको १०० रुपैयाँभन्दा माथिको भन्सार कर नीतिको खारेजीको माग गर्दै शनिवार काठमाडौंको माइतीघर मण्डलामा प्रदर्शन भएको छ।

सिमानावर्ती क्षेत्रका व्यापारी, सर्वसाधारण र विद्यार्थीसमेत सहभागी उक्त प्रदर्शनमा वक्ताहरूले भन्सार नीतिले सिमापार व्यापार, साना व्यवसायी र दैनिक उपभोक्तालाई प्रत्यक्ष असर पारेको भन्दै विरोध जनाए।

प्रदर्शनकारीहरूले ‘१०० रुपैयाँ कर नचल्ने’, ‘सीमावासीमाथि अन्याय बन्द गर’ लगायतका नारा लगाउँदै भन्सार नीतिलाई तत्काल खारेज गर्न सरकारसमक्ष माग राखेका थिए।

उनहरूले प्रदेश र संघीय सरकार दुवैको ध्यानाकर्षण गराउँदै सिमावर्ती क्षेत्रका नागरिकको आवाज सुनिनुपर्ने र भन्सार नीतिले पैदा गरेको समस्याको तत्काल समाधान खोजिनुपर्ने चेतावनी दिएका छन्।

तस्बिरहरु: